Пра мерапрыемствы для ўдзельнікаў дзённых лагераў
Летнія прыгоды.
Цэнтр экалогіі і турызму гасцінна прымае навучэнцаў у канікулярны перыяд. Кожны дзень не сціхаюць вяселыя галасы дзяцей, якія адкрываюць дзверы ў свет турызму і краязнаўства. У сельскія ўстановы адукацыі педагогі цэнтра турызму прыязжаюць самі.
Па выбару навучэнцаў і педагогаў праводзіцца квэст “Вытокі старажытнага горада”, краязнаўчыя гульні, беларускія народныя гульні, інтэрактыўныя заняткі “Знайдзі слова”, тэхніка пешаходнага турызму, фігурнае кіраванне веласіпедам, экскурсія ў музей прыроды.
Квэст “Вытокі старажытнага горада” дазваляе удзельнікам у цікавай форме даведацца пра нашага славутага заснавальніка - князя Барыса Усяслававіча, барысаўскі замак, князёў Усяслава Чарадзея і асветніцу Ефрасінню Полацкую, пра водную артэрыю горада і многае іншае. З навучэнцамі праводзяцца беларускія народныя гульні: “Грушка”, “Гарлачык”, “Цмок”, “Ручаёк”.
Інтэрактыўная гульня “Знайдзі слова” уключае ў сабе арыентаванне па карце-схеме і пошук літар турыстычнага слова. Хаваюць літары і пазначаюць іх на карце навучэнцы самастойна.
На этапе “тэхніка пешаходнага турызму” ўдзельнікі вучацца апранаць страховачную амуніцыю, праходзіць этапы: навясную пераправу і паралельныя пярыла, траверс, маятнік.
Фігурнае кіраванне роварам дазваляе авалодаць навыкамі паездак на веласіпедзе ва ўмовах горада.
На экскурсіі ў музей прыроды можна даведацца пра жыхароў беларускіх лясоў і лугоў, птушак і насякомых, убачыць іх пудзіла.
Запрашаем усіх на нашы мерапрыемствы.