Здоровье - это здорово
Вось на свеце як бывае, хто здаровы, той усё мае!
Традыцыйна, педагогі Цэнтра экалогіі і турызму праводзяць спартыўна-турыстычнае мерапрыемства “Здароўе – гэта здорава!” на тэрыторыі ДАЛ “Чайка”. 2 кастрычніка ў лагеры Чайка, які знаходзіцца ў “казачным” сасновым лесе з тысячагадовай гісторыяй, і адбыліся турыстычныя прыгоды. Удзельнікаў было нямала, 30 навучэнцаў краязнаўчых і турыстычных гурткоў, а таксама навучэнцы 7 класа 22 сярэдняй школы.
Дзеці выбіралі забавы на любы густ. Спартыўнае арыентаванне, камандныя гульні, краязнаўчы квэст. Дзеці арыентаваліся па карце-схеме лагера і шукалі кантрольныя пункты ў правільным парадку.
Для жадаючых быў прапанаваны квэст “Курс на здаровы лад жыцця”, дзе ўдзельнікі выконвалі краязнаўчыя заданні і заданні па здароваму ладу жыцця.
Пасля выпрабаванняў турыстаў чакаў смачны суп, сасіскі і гарбата, якія былі прыгатаваны на вогнішчы.
Пасля абеду ўдзельнікам не хацелася разыходзіцца, і яны гулялі ў футбол, валейбол, хованкі і даганялкі.
Здароўе, добры настрой, радасць, бадзёрасць - гэта вынікі нашага спартыўна-масавага мерапрыемства.
Аб’яднанне па інтарэсах “Турысцёнак” схадзілі ў веласіпедны паход на Салдацкі пляж (в. Дудзінка), дзе патрэніраваліся на этапах велатрыалу.